網民發起聯署 促發電視牌

【明報專訊】政府發唔發免費電視牌照一事近日鬧得熱烘烘，亞視日前直播「亞洲會」反對發牌集會後，市民更加群情洶湧，有人發起向特首梁振英嘅網上聯署行動，爭取發新牌；而等待發牌嘅城電主席王維基當然樂見市民支持，仲將網上聯署嘅連結傳畀全公司員工，呼籲同事參加。不過，城電發言人就話，佢哋無強迫人簽，因為主席只係呼籲人，但同事簽唔簽無人可以查核到。即係唔需要好似有啲電視台咁，要員工簽名報到出席撐公司活動囉。