范太又有金句：很緊張很緊張

【明報專訊】娛樂圈金句王黎明呢排因離婚少咗現身，幸好政界仲有人大常委范徐麗泰同大家解吓悶。喺北京開會嘅范太，噚日被問及香港立法會審議長者生活津貼爭拗不斷，行政立法關係咪好緊張呢？范太就妙論﹕「很緊張很緊張，又會有再緊張再緊張！」


想再參選人大

范太其實都撐長津應設資產申報，佢話，其實行政和立法關係時好時壞，新一屆政府面對很大困難，希望立法會議員以佢哋嘅群體智慧嚟處理。


人大明年改選，范太表明想再參選，至於會唔會再做到常委，「常委係第二步，我無法提名自己做常委，要等佢哋（人代）提名。如果我無被提名，就無常委做，好簡單嘅事」。


有記者問范太，驚唔驚選舉被人揭「黑材料」？范太就講笑，「你畀啲我呀？」范太仲話，如果有做錯事就要認，跟住就話﹕「黑材料對一個從政的人嚟講，係好自然會發生嘅事，如果未發生，咁就是未有啦！」