新聞類別
財經
詳情#
【明報專訊】領匯（0823）自接管全港屋邨商場後，將商場大舉翻新，引入大型連鎖商舖，小商戶無法立足，領匯做事只貫徹商業原則，純粹從收入、股東回報考慮，未有顧及小市民負擔能力，一直遭人垢病，不過佢近期就同中銀合作，畀員工用每月部分人工去買股，領匯仲會按員工年資，資助番部分供款，對啲員工都算唔錯。
在港有逾900個員工嘅領匯，最近同中銀合作推出「企業員工購股計劃」，參加計劃嘅員工可將指定比例嘅月薪，以每季供款形式透過中銀買入領匯基金單位，領匯仲會按員工嘅年資同埋表現評級資助特定比例嘅供款。
領匯上市以來升了2.2倍
領匯好自豪咁講，呢個計劃係全港首創，得佢有這類面向全體基層及管理級別員工嘅認股計劃，目的旨在為員工提供多一種儲蓄選擇同埋退休保障，又想增加員工的歸屬感。領匯行政總裁王國龍話，一直都深信員工係寶貴資產，喺公司成功嘅動力來源，所以想同員工分享成果。
話時話，領匯股票表現認真唔錯，派息率一般都有4厘，屬穩陣收息之選，而且股價過去一直平穩向上，自2005年年尾上市以來，由當時招股價10.3元，升到噚日嘅32.75元，不計股息回報率高達218％。
email:piano@mingpao.com
在港有逾900個員工嘅領匯，最近同中銀合作推出「企業員工購股計劃」，參加計劃嘅員工可將指定比例嘅月薪，以每季供款形式透過中銀買入領匯基金單位，領匯仲會按員工嘅年資同埋表現評級資助特定比例嘅供款。
領匯上市以來升了2.2倍
領匯好自豪咁講，呢個計劃係全港首創，得佢有這類面向全體基層及管理級別員工嘅認股計劃，目的旨在為員工提供多一種儲蓄選擇同埋退休保障，又想增加員工的歸屬感。領匯行政總裁王國龍話，一直都深信員工係寶貴資產，喺公司成功嘅動力來源，所以想同員工分享成果。
話時話，領匯股票表現認真唔錯，派息率一般都有4厘，屬穩陣收息之選，而且股價過去一直平穩向上，自2005年年尾上市以來，由當時招股價10.3元，升到噚日嘅32.75元，不計股息回報率高達218％。
email:piano@mingpao.com
回應 (0)
