手機太廉 累飛毛腿發盈警

【明報專訊】智能手機嘅興起，唔知養活幾多山寨廠，家啲智能機認真千奇百趣，而且低至幾百人仔就有交易，難怪傳統功能手機愈來愈少人買。連內地最大手機電池生產商之一嘅飛毛腿（1399）都要發盈利預警話，至今年6月底為止嘅中期盈利會大走樣，原因是期內環球經濟唔景氣，已經令整體手機市場增長放緩，同時內地運營商只大力推廣智能手機，傳統功能手機銷情更是雪上加霜。公司仲話，啲手機愈出愈便宜，傳統功能手機同埋啲相關配件價格被迫下調，蠶食咗產品的利潤率。