母親節快到 新世界媽咪收花

【明報專訊】就快又到母親節，子女們都要識做，孝敬媽媽，新世界發展（0017）執行董事兼聯席總經理陳觀展未到母親節，就提前送花表揚母愛，送花嘅對象仲係公司同事添。


新世界話，一向對員工關懷備至，適逢母親節就快到，公司特別向所有員工送贈康乃馨同埋心意卡，表達公司對同事及屋企人嘅關愛喎。新世界指出，公司咁做唔單只向已為人母嘅同事致敬，感謝佢地多年來為公司同為家庭付出，同時都鼓勵作為子女嘅同事向母親聊表心意，促進同事家庭和諧以及融洽。


舊年先加入公司嘅陳觀展，仲親自走去同事嘅工作間，為同事獻上鮮花及心意卡。陳觀展加入新世界之前，係越秀交通（1052）高層，佢一向搞作多多，之前新世界成立「集團可持續發展督導委員會」，佢就親自帶隊去睇東江水。