新聞類別
財經
詳情#
【明報專訊】一份渾水研究嘅報告，搞到券商也打起「渾水戰」。耀才證券（1428）同埋致富兩間本地券商，昨日突然隔空開火，互數對方不是。事關上個月渾水出咗份報告，狙擊美國上市民企傅氏科普威及大連綠諾，仲點名批評有券商係「欺詐學院」，幫班唔掂嘅民企執靚佢搞上市。
向來動作多多嘅耀才，上個月12號同13號連環出招，先發短訊畀班客，轉載咗關於渾水嘅報道。跟手仲喺報章刊登埋全版廣告，大字標題叫啲散戶小心揀證券行咁話。小琴之前講過，耀才個廣告都幾「惹火」㗎，當時心諗單嘢會唔會有下文呢。
勢估唔到，隔咗唔夠1個月，致富噚日突然隔空反擊，發短訊畀班客仔。內容大意係致富唔會詆毀其他行，向來都係做好自己本份，同埋堅持良性競爭，業界先至有進步。致富仲話，耀才用抹黑短訊同賣廣告誹謗公司，將會採取法律行動。
耀才：無誹謗含意 清者自清
點知轉過頭，耀才亦不甘示弱，下午發出嚴正聲明。強調佢哋無去誹謗人，只係提醒班客仔空穴來風未必無因，要警惕受騙咁話。
又指致富「無理」嘅指控，係想轉移公眾視線，要保留追究法律責任嘅權利。臨尾仲引埋志雲大師嘅金句「真的假不了、假的真不了」
向來動作多多嘅耀才，上個月12號同13號連環出招，先發短訊畀班客，轉載咗關於渾水嘅報道。跟手仲喺報章刊登埋全版廣告，大字標題叫啲散戶小心揀證券行咁話。小琴之前講過，耀才個廣告都幾「惹火」㗎，當時心諗單嘢會唔會有下文呢。
勢估唔到，隔咗唔夠1個月，致富噚日突然隔空反擊，發短訊畀班客仔。內容大意係致富唔會詆毀其他行，向來都係做好自己本份，同埋堅持良性競爭，業界先至有進步。致富仲話，耀才用抹黑短訊同賣廣告誹謗公司，將會採取法律行動。
耀才：無誹謗含意 清者自清
點知轉過頭，耀才亦不甘示弱，下午發出嚴正聲明。強調佢哋無去誹謗人，只係提醒班客仔空穴來風未必無因，要警惕受騙咁話。
又指致富「無理」嘅指控，係想轉移公眾視線，要保留追究法律責任嘅權利。臨尾仲引埋志雲大師嘅金句「真的假不了、假的真不了」
回應 (0)
