黃錦康聲言追究「兵變造謠者」

【明報專訊】美聯集團(1200)前任副主席黃錦康日前正式離任，昨日首次與一班傳媒茶敘，席間除向傳媒細談喪子之痛外，更為數月前的「美聯兵變」作出申訴，激動地稱「我一定會向製造謠言、散播謠言者追究到底！」、「我會以股東身分出席5月底嘅agm(股東大會)」。


早於2月份，美聯集團總部出現一場抗議事件，期後有傳為「兵變、逼宮」，而黃錦康亦被傳為幕後策劃者，但他數月來從未為有關事件作出澄清，他昨日表示，「當時我身為副主席，好多嘢唔可以評論，加上當時醫生話我個仔剩番1至2個月命，我根本唔可以再動氣，身體會支持唔住，所以我一直無回應任何人」。


不過，黃錦康又指出，「既然黃主席(黃建業)喺報紙都話唔係兵變，而係勞資糾紛，點解唔可以講多句唔關我事呢？」，對於期間多份傳媒之報道，記者出身的他就指，「記者喺事件上無錯，佢地都係收風後再報道，佢地唔應該為事件負責」，但就認為有關傳聞令他聲譽受損，故會追究相關人士。至於日前突然辭職原因，他指出兒子過身後，與妻子二人都有很大壓力，日前妻子更獨自回鄉，故他決定辭職，多抽時間陪家人。