新聞類別
財經
詳情#
【明報專訊】打工仔嘅噩夢除咗收大封信外，應該都係無時無刻被老闆監視住，員工即使唔係有心偷懶，始終都唔係咁自在。小琴就八到，瑞信近排引入咗個「高科技」I.T.系統（唔係「太陽能電筒」），可顯示到員工部電腦幾耐冇操作過，例如某位sales同個客傾電話傾咗半個鐘，其間隻滑鼠冇郁過，個系統都會偵測到。
人人均享「貼身服務」
聽講呢個系統「人人有份，永不落空」，即係由高層到前線員工，都可「享用」到呢個咁「貼身」嘅照顧。公司方面好似冇正式向員工講過點解要裝呢個系統，不過用意似乎相當明顯。
小琴當然唔會聽片面之詞，即刻打畀瑞信個靚女公關問吓，係咪真係整咗個高科技衞星偵測滑鼠位置（希望有朋友可指教小琴呢種高科技嘅正確學名）系統。
靚女公關亦回答得好高技術，話「冇aware到呢個情况……其實Outlook Express（「收件匣」，即視窗入面收發電郵嘅軟件）一早都有功能，可以顯示到各個人嘅appointment、有冇meeting咁啦！」
靚女公關高技術在，小琴都未問第二條問題，係咪有系統顯示埋每名同事每日幾點要開會、幾點要見客，已經一次過答晒小琴嘅疑問。瑞信作為一間歐資大行，今次安裝呢個系統，似乎同小琴所認知嘅外資行風格有啲出入，睇嚟小琴都要調整下思維，與時並進。
email:piano@mingpao.com
人人均享「貼身服務」
聽講呢個系統「人人有份，永不落空」，即係由高層到前線員工，都可「享用」到呢個咁「貼身」嘅照顧。公司方面好似冇正式向員工講過點解要裝呢個系統，不過用意似乎相當明顯。
小琴當然唔會聽片面之詞，即刻打畀瑞信個靚女公關問吓，係咪真係整咗個高科技衞星偵測滑鼠位置（希望有朋友可指教小琴呢種高科技嘅正確學名）系統。
靚女公關亦回答得好高技術，話「冇aware到呢個情况……其實Outlook Express（「收件匣」，即視窗入面收發電郵嘅軟件）一早都有功能，可以顯示到各個人嘅appointment、有冇meeting咁啦！」
靚女公關高技術在，小琴都未問第二條問題，係咪有系統顯示埋每名同事每日幾點要開會、幾點要見客，已經一次過答晒小琴嘅疑問。瑞信作為一間歐資大行，今次安裝呢個系統，似乎同小琴所認知嘅外資行風格有啲出入，睇嚟小琴都要調整下思維，與時並進。
email:piano@mingpao.com
回應 (0)
