比亞迪推新車 想「統一六國」？

【明報專訊】北京車展開幕，各大車企趁機推出新車款，好似比亞迪（1211）最新嘅油電混合動力車——「秦」，就響車展首度亮相。論外形，小琴留返畀識車之人評價，不過論個名「秦」就真係一絕。


新車取名「秦」 以後叫「漢」「唐」

比亞迪話，將新車改名叫「秦」係有意思嘅，首先「秦」是中華民族第一個一統天下嘅朝代，另外比亞迪汽車發源地，就響西安秦川喎。


睇返內地民眾對個車名評價都正面，話既然係國產車，好應該有番個中國名稱，而唔好用英文之類，畀人覺得似假洋貨。不過都有人猜想，將款車叫「秦」，唔知係咪王傳福想造秦始皇，打低六國一統天下，而車企中嘅六國又會係邊啲呢？


比亞迪就冇話係咪有咁嘅意思，但就講以後仲會有「漢」、「唐」為名嘅新車。喂，咁點止一統天下，直頭要千秋萬世