外賣及餐飲配送的食物安全

食安仔：香港對送餐服務既需求喺過去幾年幾乎有增無減，顧客往往都會傾向用第三方網上外賣平台去叫外賣。隨住需求嘅增加，業界更應確保食物能夠喺安全同未受污染嘅狀態下送到顧客手上，因此要留意以下3個要點！

1. 保持食物安全溫度
業界要提防即食食物送到消費者手上時已經變得唔安全或者唔適宜食用。因為大部份致病細菌都可以喺危險溫度範圍入面迅速大量繁殖，所以由製作去到送遞嘅過程中都必須要保持熱食喺攝氏60度以上，而凍食就要喺攝氏四度或以下。仲有，需要存放喺雪櫃入面嘅食物，喺等待收貨同埋運送期間都必須保持低溫，例如放喺放有冰墊嘅隔熱袋入面，另外，需要保溫嘅熱食都應該裝喺隔熱袋入面。 
 

2. 食物時間控制 遵從「2小時／4小時原則」
唔少食肆為求方便，會過度提早製作食物，將食物喺室溫下存放一段時間等待外賣員到達時立刻可以攞走。如果食物喺冇辦法作出溫度控制嘅情況下送遞，適當地掌握送遞時間就係唯一可以確保食物安全既方法，送餐嘅時候一定要遵從「2小時/4小時原則」。第三方送遞商／外賣平台公司應通過應用程式等途徑，向送遞人員提供最佳送遞路線盡量縮短送遞時間。 

3. 妥善包裝食物 
提供外賣同埋送餐服務嘅時候，正確嘅包裝方法可以有效減輕食物受干擾嘅問題。食物應該擺放喺清潔，密封而且堅固嘅容器入面，阻隔有害細菌同埋避免有異物跌入食物同埋防止污染。不干擾包裝 係另一種食物安全措施。撕開條同埋防干擾封條呢一類不可以再密封嘅包裝能夠防止食物喺送遞嘅過程入面受到干擾亦可以確保食物安全及完整。食物送遞人員唔應該開啟或者干擾食物同埋包裝，亦要確保餐盒已經妥善包裝同擺放，避免食物溢岀，受擠壓或者食物包