薛凱琪洗地獄廚神污名

【蘋果日報】薛凱琪（Fiona）當年是第一輯《美女廚房》的地獄廚神之一，不過，她日前為內地節目《完美的餐廳》中下廚，獲頒「最佳員工」和「最佳主廚」獎，她笑言廚藝大獲好評：「其實個節目係鼓勵性，好似我呢個完全唔識煮嘢食嘅人，經過努力都可以得到冠軍。今年過年我都入廚煮嘢食畀家人試吓，贏到掌聲同大利是！」
節目拍攝時，Fiona要與組員「同居」，最後一集她寫信給大家吐心聲，搞到組員爆喊：「有組員唔捨得喊咗出嚟，我都感動到眼濕濕！因為呢段時間大家住埋一齊，好似屋企人咁，依家突然要分開。我哋拍攝即使幾辛苦，返到房都一定圍埋傾心事，有時放假都約埋去攀石。」
撰文：沈麗珠長青網 - 一站式長者及護老者生活資訊網站