財經人物：「蝦王」愛女創業開迷你倉

【蘋果日報】蝦王系馬主劉錫康的愛駒「靚蝦王」曾是一代馬王，千禧年時更成為首匹在海外勝出一級賽的香港馬。其26歲「蝦女」劉津津自小隨父出入馬場，早前入紙抽中馬籤，將成為最年輕馬主。有望成為「蝦王」接班人之餘，她在事業上亦有野心，兩年前以家族旗下空置廠房，開設迷你倉，現時月入過百萬。
養馬有心得　要耐性細心
劉錫康家族代代從商，去到女兒劉津津已是富四代，而劉錫康的名駒「靚蝦王」、「正蝦王」及「旺蝦王」更為人所熟悉。劉津津同樣愛馬，去年更首次拉頭馬：「『哈蝦巴爸』嗰次贏，身邊有幾位好朋友同我一齊入場，我哋真係好興奮，攬住對方，又買咗馬，興奮足一個鐘。」身為準馬主及迷你倉老闆，她對養馬及創業各有心得，認為兩者同樣需要十足耐性及細心。
「首先你買隻馬之前，要好細心研究佢父母嘅血統、曾經跑過嘅賽事。買完一匹馬後，隻馬唔會即刻畀到成績，要培養、畀耐性佢發揮，好似創業未必即刻見到好好嘅成果。但有時你研究咗好耐血統，以為呢匹喺好好嘅馬，但出到嚟又唔係咁好，所以好講彩數，睇下有冇馬運。」
她大學畢業便從美國回港，加入德勤會計師行，但認為打工較刻板，所以計劃創業。恰巧當時家族正持有香港仔廠房物業，有租客退租，她便將空置物業搖身一變成迷你倉生意「出入易」。「呢個物業（香港仔一幢工廈其中六層）真係老竇打本，畀我做生意，以平價錢租畀我去用，可以話係靠父幹先開始。」
她成立第一個迷你倉時要「一腳踢」，「頭半年得自己一個，無員工，要去周邊商場、商舖同大廈派傳單，又要學賣廣告，設計平面圖、做顧客服務等等。」她形容自己創立迷你倉此舉十分另類，「同齡朋友多數開餐廳、甜品舖。」
開業兩年，「出入易」迷你倉現時月入百多萬元，她亦在兩個月前於小西灣及柴灣租用其他廠房擴充業務。她期望，迷你倉生意能於未來五年擴展至港九新界。記者：林樂謙