只顧執行北京政治指令

【蘋果日報】【拆局】特首林鄭月娥上任時，強調她重視民生政策，不想再挑起社會矛盾，所以不處處避開如23條立法、政改等政治議題，亦刻意在非政治議題上接納民主派意見，但有民主派中人稱，從昨日施政報告中，林鄭在政治議題上處處緊跟北京，林鄭所謂重視民生，其實只是一種包裝，「第一份（《施政報告》）仲遮遮掩掩，到呢一份就完全赤裸裸，所謂唔搞政治爭議嘢，只係為佢推北京政治指令做包裝」。
找藉口不推政改
該民主派中人直言，林鄭之前說不搞23條立法，還可以令一些民主派人相信，林鄭與民主派、甚至香港市民也有近似想法，「有啲言論、政治空間唔好收得太緊」。
不過從她昨日為23條立法升溫、表明縱使未有23條，政府仍可以用其他條例對付港獨及異見者，「由此可見，林鄭所謂唔想挑起社會矛盾，根本係假，只要北京一下令，有冇23條佢都會執行」。
另一民主派人士更稱，林鄭所謂「唔搞爭議政治議題」，「講穿咗只係唔搞政改」，事實上林鄭心知港人對「一國兩制」只重「一國」、維護國家安全變打壓反對派、排除異己工具深感憂慮，擔心香港越來越大陸化，「但林鄭一於唔理，照寫入《施政報告》，可見佢唔搞爭議政治議題，只係唔搞北京唔鍾意嘅嘢，北京要佢搞嘅（政治議題），佢就搞到足」。