補地價需逾千萬　業主難買賣

【蘋果日報】不少公務員合作社樓宇位處市區黃金地段，其中北角英皇道的寶石樓毗鄰私樓健威花園，周邊配套完善、交通方便，步行至北角或鰂魚涌港鐵站只需5至10分鐘，有潛力重建成私樓或資助房屋。不過，有寶石樓業主直言，公務員樓要補回三分二地價才可買賣，一個單位補價金額動輒千萬元，「就算（業主）想重建都冇錢補價」，認為若市建局接手，賠償金額要足夠讓業主支付補價及在同區置業。
促賠償應足夠同區置業
樓高11層的北角英皇道寶石樓，樓齡已逾50年，早年曾有發展商計劃收購，但因補價金額太高、地盤高度限制等未能成事。業主周先生在寶石樓的單位面積約1,200多呎，他指多年來一直解決不了補價問題，「補價係最大困難，舊年有一戶補價要600萬就賣咗，到今年初有業主寫信入去政府問補價，就要1,100幾萬，點補？」
他直言市建局賠償金額一定要足夠讓業主支付補價及在同區置業，「好現實，最緊要佢（市建局）個價錢賠得足，到時仲要睇吓其他業主肯唔肯」。
現年70歲退休公務員王小姐，獨居於大角嘴塘尾道的公務員樓，該處樓高6層，共有24戶，但因大廈沒有升降機，加上日久失修，部份年老業主已遷出。她指眾業主一直有意重建，但礙於補價，「見到依家好多家庭要逼埋喺劏房，我都覺得好心痛，我哋唔係唔想重建，係根本冇能力補價，個數係天文數字」，她指「最擔心佢賠畀業主筆錢只夠畀補價」。
■記者譚靜雯