遮打自修室感受動人時刻　女生棄文學讀社工

【蘋果日報】何嘉柔還在讀中四那年，是在龍和道站得最前的女生之一。4年後的今天，她已是社工系大專生，走進社區創辦地區組織，全因那段在遮打自修室守望相助的動人時光，她初次感受到何謂獅子山精神，「原來香港係咁靚」。傘後她加入學民、為梁天琦助選、再入眾志，見盡政權瘋狂打壓，仍堅持站在政治風眼，只因忘不了被警棍毆打、戰友身陷囹圄的憤怒。若面對牢獄的是自己，小妮子坦言會怕，但更怕社會的冷漠善忘，若可以帶來改變，「我願意（坐監），只要係值得嘅」。
「我扶住個老人家，佢行得慢，警察就打落個老人家度，伯伯好驚，你打我唔緊要，但老人家都可以一棍毆落去。」
與不少中學生一樣，4年前的何嘉柔對時局並不關心，「有聽過吓罷課，但唔了解真普選」，直至9月28日看電視直播警察以催淚彈驅散市民，「好震撼，血淋淋見到好多衝擊，細個只會見到隔籬國家示威係咁，但竟然香港警察可以拎起嘢打人」。翌日她與同學在學校發起罷課，放學首次到金鐘佔領區，通宵留守，從此成為金鐘常客。
回想那79日，何嘉柔最難忘遮打自修室那種陌生的溫情，「自己溫緊書，會有人問係咪有題目唔識、會教我，夜晚有人會送飯嚟，每個細節都令我覺得原來香港係咁靚」。她後來與朋友創立「沙田一隅」，透過辦社區報、呼籲街坊幫襯瀕臨結業老店、反對插針樓等，令社區不再冷漠。
傘運溫情觸動她走入社區，對政權的憤怒更改變了她的人生方向。4年前的11月，雙學呼籲佔領人士包圍政總，她和抗爭者欲佔領龍和道，但築成的人鏈瞬即被警方擊潰，她腰間遭警棍打瘀，「我扶住個老人家，佢行得慢，警察就打落個老人家度，伯伯好驚，你打我唔緊要，但老人家都可以一棍毆落去，嗰下令我最嬲」。
原本打算修讀中文系的何嘉柔，傘後改讀社工系，加入學民思潮。2016年立法會新東補選時她曾替梁天琦助選，「嗰時對本土派有啲期望，覺得香港需要新氣象，亦都認同部份理念，例如多關注本土或港人利益」。
去年8月「雙學三子」被判入獄6至8個月當日，她毅然加入香港眾志，「見到佢哋坐監好嬲，嗰種打壓，底線不停降低，唔想畀人㩒住嚟打」。梁天琦被判入獄6年更令她憤怒，「有衝動想做更多嘢」。但她明白現時香港人的確很灰很累，「遊行人數越嚟越少，眾志成員完全入唔到閘，望住對自己黨嘅打壓都好似冇辦法反抗」。若要付上政治代價，20歲的何嘉柔坦言會有猶豫，「有諗過可以為理念付上幾大代價，可能會接受幾個月（坐監），如果要1年、6年，我都唔敢講我OK……但如果可以推動到一啲嘢，我願意做，只要係值得嘅」。
■記者鍾雅宜