新聞類別
財經
詳情#
【明報專訊】史上集資額最多嘅新股農業銀行（1288），上周五（27日）公布上市之後首份中期業績。當晚農行業績報告千呼萬喚始出來，去到晚上10點59分才出現喺港交所網站。不過，呢份長達200幾頁業績報告嘅英文版本，卻錯漏百出，十分駭人。
整個表格出錯 指因排印錯誤
農行噚日刊出一份澄清通告，指出中期業績報告，英文版及中文版存在差異，並對英文版作出修正。要作出改正嘅都係一啲數字，分佈喺7頁紙內。有啲係個別數字嘅出錯，但有啲更加係成個表都錯，例如英文版第29頁內一個表格，所有數字都出錯，認真誇張。農行解釋，出現咁嘅事，係由於排印錯誤造成。
農行份業績遲至晚上近11點先至公布，已接近好多報紙嘅截稿時間，記者要喺咁短時間內消化成200幾頁嘅內容，實在好大挑戰。幸好今次中文版本冇事，否則可能好多中文報紙都要中招。
留言 (0)
檢視個人資料
多謝分享!
0
檢視個人資料
多謝分享!
0
檢視個人資料
多謝分享!
1
2025年02月02日 07:47