金至尊打造鑽石婚紗

【明報專訊】香港資源（2882）旗下嘅金至尊，又有新搞作。佢哋請嚟設計師何國鉦先生，打造1288萬元的鑽石婚紗，由模特兒熊黛林（右）示範。所謂鑽石婚紗，其實係佢膊頭嘅鑽石鏈，用咗超過1000粒總數超過220卡嘅鑽石製成，當中最大有6.32卡。香港資源執行董事徐傳順（左）話，估計內地今年有1000萬對新人結婚，會帶動珠寶零售業。公關話暫時未聽聞有訂單。徐傳順個女徐子淇已經結婚，成為四叔的新抱，呢套鑽石婚紗唔啱佢，但佢會唔會考慮買俾外孫女呢？