【明報專訊】人稱「華哥」的流動雪糕小販朱仲華，持有合法牌照，去年底卻被食環署檢控無牌售賣珍寶珠糖果，案件聆訊時峰迴路轉，法官不但體恤華哥自力更生輕判罰款100元了事，更質疑署方﹕「就係因為咁嘅事就輕易告佢？有無考慮清楚？」
靠一雙手自食其力、賣冰凍雪糕飲品謀生的華哥，昨日如常在尖沙嘴鐘樓附近擺檔，對於昨日觀塘無牌小販老婦的遭遇，華哥說﹕「食環署好應該檢討下，前線員工亦應該變通一下，做嘢唔好咁死板，亦無理由趕絕人。」他認為，如果阿婆沒有造成太大滋擾，食環署人員應該網開一面。
回想受審當日，裁判官溫紹明除了予以輕判，更為華哥打氣說﹕「唔希望檢控會影響你嘅工作，夏天行到熱，見到你會好開心，下次去尖沙嘴希望可以幫襯吓你。」原來溫官言出必行，之後果然親自探望華哥。
數周前的一個星期日，一名客人走到雪糕車前問道﹕「認唔認得我？觀塘法庭嗰個呢……」華哥細看，認得眼前人正是當日輕判他的法官大人，溫官更用5元向華哥買了一樽蒸餾水，並為華哥打氣說﹕「點呀？仲有無被食環署針對呀？賣雪糕好辛苦？唔好泄氣呀，要努力做嘢！」日曬雨淋的日子當然不易捱，但溫官一句打氣說話，華哥至今不忘。
現年50多歲的華哥，大半生從事小販生意，多年前曾在舖頭賣田雞，但業主將舖租由7000多元加至萬多元，華哥捱不住，唯有結束生意，申請流動小販牌推着雪糕車賣雪糕，在學校區及遊客區做生意，月入7000多元。
小販﹕食環懂變通 爭拗可減少
華哥說﹕「咁嘅年紀好難搵嘢做，做裝修都無人請啦，好彩已經仔大女大，賣雪糕收入都夠使夠用。政府好應該考慮劃出小販專區，重新發出小販牌照，等低下階層可以搵到食。」對於食環人員經常被指不近人情，華哥回應說﹕「只要佢哋變通下，相信會無咁多爭拗。投訴小販阻街？我啲雪糕飲品賣得平，搶咗人哋生意，實畀人投訴阻街啦！」
明報記者 衛永康 何朝財
2025年03月13日 12:59