環保觸覺 賣地場上「贈興」

【明報專訊】近年一直以環保戰士姿態現身公眾面前嘅環保組織「環保觸覺」主席「邦哥」（譚凱邦），噚日亦有現身灣仔伊館賣地現場，但佢老哥梗係唔係嚟舉手投地啦，而係為咗請願；「邦哥」與佢黨友喺賣地正式開始前，舉起一幅寫着「起細單位俾香港人」橫額，希望地產商唔好一味只顧起豪宅大單位圖利，忽視一般小市民上車需要。仲有，一班美孚新邨業主亦有到場，抗議有地產商計劃喺美孚第8期原石油儲存庫，興建摩天大廈屏風樓，影響佢哋健康。

（李紹昌攝）