《阿凡達》特別版

【明報專訊】近期3D版《反斗奇兵》暑假檔期大收旺場，令小琴諗番起將3D電影熱潮推上無限高峰嘅始祖《阿凡達》。小琴好多朋友都想睇番呢套史上最高票房嘅經典電影，鶽家各位《阿凡達》粉絲有機會啦，皆因UA戲院宣布推出電影《阿凡達﹕特別版》，將會喺旗下兩間IMAX影院播放，於8月26日就有得睇啦！

鶽家UA旗下MegaBox IMAX會率先預售《阿凡達﹕特別版》戲票，票價為120元，並且會有超過8分鐘從未曝光嘅絕密珍貴片段，所以如果你係《阿凡達》嘅死硬派粉絲，就一定唔可以錯過今次重返潘朵拉星球嘅機會啦！連小琴都對嗰8分鐘片段好有興趣，唔知會唔會交代男主角同Na'vi族公主生兒育女，定係大導演占士金馬倫都忍唔住在戲中客串一下呢？