朱振國母親﹕邊有人似佢咁蠢，受傷仲去追……

【明報專訊】2005年遇襲癱瘓至今的勇警朱振國，經多年治療，情况未見起色，朱母昨日聞說再有警員遇襲險被割頸放血，感同身受寄語說﹕「警察服務市民係職責，但亦要顧自己安全，壞人始終會捉到，邊有人會好似振國咁蠢，受傷仲去追……」 情况走下坡 失認人說話能力 勇警朱振國曾被送到廣州接受高壓氧治療，朱老太說當時他的情况一度好轉，手腳痙攣程度減輕，但返港入住黃大仙區一間療養院後，情况又走下坡，雖然雙眼可睜開，但對外界刺激無反應，失去認人及說話能力，要靠插胃喉進食，每日只能在旁人攙扶下坐起約半句鐘。 朱老太說﹕「或者醫院人手少，醫法又唔同，唔係成日有人照顧佢，振國近期情况差咗，手腳痙攣情况又變嚴重。」朱老太嘆謂︰「振國清醒時眼光精靈，但醫生話其實振國視力已有問題，唔係好睇倒嘢，我哋都無乜嘢可以再做，亦唔知振國會唔會好返……」 陪伴兒子出入醫院5年之久，未來日子還是未知數，朱老太說﹕「振國住院費由政府負責，另外每月有萬幾元津貼幫補生活及醫療開支，警隊福利部時時有人探望，家人唯一可以做就係勤加探望，並請工人多幫振國按摩，減輕手腳痙攣程度。」 2005年7月19日，長沙灣警區巡邏小隊警員朱振國，在深水埗保安道市政大樓外截查可疑男子時遇襲，遭生果刀割喉放血，朱負傷窮追疑人50米後不支倒地，搶救後因腦部缺氧受創致全身癱瘓。朱振國失去父親多年，有一姊一弟，母親年事已高，他遇襲時正30歲壯年，與妻育有女兒曉彤，她現在葵涌某中學讀中一，成績尚好。案中22歲疑兇廖智勇犯案後自首，其後被判監10年。