恒生頭頭陪客睇波

【明報專訊】世界盃賽事進行得如火如荼，恒生商業銀行業務處都好體貼客戶，6月25日（上周五）晚上，喺蘭桂坊一間酒吧舉辦「世界盃狂熱」活動，邀請超過100名熱愛足球嘅商業銀行客戶，一齊觀賞巴西對葡萄牙嘅精彩賽事。當晚，恒生銀行副總經理兼企業及商業銀行業務主管陳力生、恒生商業銀行業務主管林燕勝，以及客戶關係團隊，齊齊與客戶一齊睇波，更有賽果競猜遊戲助興。