新聞類別
財經
詳情#
【明報專訊】有冇諗過喺57層高的頂樓,浸住泳池,欣賞新加坡全景?唔止喎,個泳池仲要設計到無遮無擋,即係180度全景睇晒。
新加坡濱海灣金沙酒店,就喺頂樓起咗呢個無敵泳池,噚日啱啱開幕,早上招呼傳媒,下晝先可以落水,小琴只能遠觀,無機會落去泳池,不過大會就安排模特兒喺泳池擺甫士,睇落個泳池都幾舒服。不過,有外國行家話樓層太高,游到咁出有啲驚。而小琴望落都好似好牙煙,但其實用咗掩眼法,即係泳池下面,仲有一個地台,但遠望就無邊無際。
限酒店住客先可落水
唔游水,都可以喺空中花園搵個靚位,曬太陽睇風景。但要去呢個空中花園,入場費要20坡幣,差不多112港元,而且酒店住客先可以用泳池設備。但成間酒店2000幾間房,暫時只得呢個200米長嘅泳池,深度1.2米,小朋友未必個個啱玩。如果大人蜂擁上晒去,都可能人山人海。
回應 (0)
2023年08月27日 07:41