新聞類別
財經
詳情#
【明報專訊】舊年5月先上市嘅米蘭站（1150），早排派出全年成績表時嚇親大家，皆因一上市盈利已經倒退，當時股價單日唔見一大截。呢隻昔日嘅新股王，噚日出咗年報，小琴梗係第一件事睇吓新一代企業家、主席姚君達，會否出少啲糧以向鄉親父老交代，答案係啱啱相反，主席姚君達嘅人工舊年升咗成倍，由原來嘅322萬銀加到去714萬銀！
年薪由322萬加至714萬
揸住米蘭站股票嘅投資者，見到咁嘅情况唔知有何感想，不過小琴可「回帶」替姚生解釋一吓，話說米蘭站當日一派成績表，股價冧檔之時，佢哋啲管理層已經急急召開分析員會議解畫，話舊年下半年歐債危機影響咗消費意欲，存貨撥備增加就係為開設新店同埋籌備網上買賣儲貨所致。
睇返米蘭站盤數，毫無疑問舊年下半年業績係嚴重走樣，因為佢2011年上半年仲賺緊3000幾萬銀，較前一年同期增長三成半，去到下半年有國慶黃金周同聖誕節兩大消費黃金檔期支撐，反而賺得千零萬，難怪市場唔收貨。不過，米蘭站舊年業績都有可取之處，好似佢哋舊年賣多咗好多貴價手袋（見表），1萬蚊以下嘅「平」手袋賣少咗，相對來講毛利都高咗，亦都係兌現咗管理層喺公司上市時嘅承諾，做多啲貴袋生意。至於今年條數會否靚仔番，大家就要拭目以待啦。
email:piano@mingpao.com
年薪由322萬加至714萬
揸住米蘭站股票嘅投資者，見到咁嘅情况唔知有何感想，不過小琴可「回帶」替姚生解釋一吓，話說米蘭站當日一派成績表，股價冧檔之時，佢哋啲管理層已經急急召開分析員會議解畫，話舊年下半年歐債危機影響咗消費意欲，存貨撥備增加就係為開設新店同埋籌備網上買賣儲貨所致。
睇返米蘭站盤數，毫無疑問舊年下半年業績係嚴重走樣，因為佢2011年上半年仲賺緊3000幾萬銀，較前一年同期增長三成半，去到下半年有國慶黃金周同聖誕節兩大消費黃金檔期支撐，反而賺得千零萬，難怪市場唔收貨。不過，米蘭站舊年業績都有可取之處，好似佢哋舊年賣多咗好多貴價手袋（見表），1萬蚊以下嘅「平」手袋賣少咗，相對來講毛利都高咗，亦都係兌現咗管理層喺公司上市時嘅承諾，做多啲貴袋生意。至於今年條數會否靚仔番，大家就要拭目以待啦。
email:piano@mingpao.com
留言 (0)
