內地大智慧遭彭博索償

【明報專訊】近日有內地行家同小琴講，AASTOCK母公司、大智慧日前同彭博通訊社（Bloomberg）喺上海對簿公堂，事緣一款叫「大智慧金融投資家」嘅產品，被Bloomberg投訴軟硬件設計均與其招牌機器設計相似，有誤導消費者之嫌，並就「懷疑山寨」侵權索償500萬元（人民幣•下同）。


據行家講，雖然大智慧嘅產品外表實在與Bloomberg「驚人相似」，但每年收費僅6.8萬元，與Bloomberg嘅高檔市場定位好唔同，其實唔會造成直接競爭。但有傳聞大智慧想開拓外國市場，Bloomberg可能擔心會被人以低價搶客，先至決定要狙擊一下對手咁話。


Bloomberg係成立超過31年的老牌通訊社，並以30.4%的市場份額成為金融信息服務嘅龍頭，相反大智慧舊年1月先至系A股上市，收入僅3.61億人仔。