張茵金句：靠男人養的女人是保母

【明報專訊】小琴一直有個夢想，希望可以搵到個有錢老公，咁就唔使響度八料寫稿，日日可以安坐家中歎少奶奶生活。好彩呢個夢想冇畀玖龍紙業（2689）主席張茵知道，否則佢一定鬧小琴係「保母」。


「女人唔可能永遠係鮮花」

事關張茵噚日響海南舉行嘅博鰲論壇講現代企業女性嗰陣，好強調現代女性不能夠只係依賴男人，佢仲話，如果成世要一個人養自己，講得難聽啲，自己就好似保母，要「湊仔」。


不過咁，唔靠老公養又唔代表唔使理屋企，張茵認為家庭生活要有共同語言，所以女人唔好畀男人太大壓力，雙方必須要有互動；同時佢又提醒，女人唔可能永遠都係鮮花，總會有老嘅一日，所以女人更需要有自己嘅工作能力同愛好，可以同老公分享社會事、事業困難等等。