新聞類別
財經
詳情#
【明報專訊】去年7月響創業板上市嘅本港酒樓股喜尚（8179），雖然掛牌首日股價爆升50%而榮登「升幅王」，但學人話齋「出得嚟行，預咗要還」，呢隻酒樓股呢個星期嘅股價表現點止係「還返晒」，直頭好似食咗瀉藥，繼星期三跌53%之後，噚日最多再跌過63.6%，股價更一度變至「仙股位」嘅0.091元，最後收市都只係得番0.119元，全日仍跌52％。
證監早前預警 街貨太少
埋單計數，成個星期喜尚股價累計插水八成，有行家同小琴講，原本班管理層約咗傳媒下星期二飯局，噚日公關卻通知要取消，話班管理層臨時唔得閒喎，唔知係咪佢哋要忙於度橋改善股價表現呢。
話時話，雖然間公司兩次發通告都話唔知個價跌成咁係咩原因，但小琴記得，去年證監會曾經畀過「溫馨提示」喜尚，提醒佢股權太過集中要小心。
根據喜尚去年9月出嘅通告講，嗰陣大股東黃君武連同另外9個人，合共持有96.39%股權，換句話講街貨比例只係有3.61%，當時通告已經指出，話股權高度集中響10名股東手上，只要有小量股份成交已經可以令到股價出現大幅波動，估唔到家真係成為事實，而且波動之大可以嚇親人。
講開又講，同行家傾開呢隻嘢嘅股權集中問題，大家都忍唔住好奇，如果呢兩日暴跌係因為有人放出手上股份，咁班管理層應該唔難估啦，只有10個目標之嘛，同時小琴亦都好想知，接貨嘅又會係邊個呢？
email:piano@mingpao.com
證監早前預警 街貨太少
埋單計數，成個星期喜尚股價累計插水八成，有行家同小琴講，原本班管理層約咗傳媒下星期二飯局，噚日公關卻通知要取消，話班管理層臨時唔得閒喎，唔知係咪佢哋要忙於度橋改善股價表現呢。
話時話，雖然間公司兩次發通告都話唔知個價跌成咁係咩原因，但小琴記得，去年證監會曾經畀過「溫馨提示」喜尚，提醒佢股權太過集中要小心。
根據喜尚去年9月出嘅通告講，嗰陣大股東黃君武連同另外9個人，合共持有96.39%股權，換句話講街貨比例只係有3.61%，當時通告已經指出，話股權高度集中響10名股東手上，只要有小量股份成交已經可以令到股價出現大幅波動，估唔到家真係成為事實，而且波動之大可以嚇親人。
講開又講，同行家傾開呢隻嘢嘅股權集中問題，大家都忍唔住好奇，如果呢兩日暴跌係因為有人放出手上股份，咁班管理層應該唔難估啦，只有10個目標之嘛，同時小琴亦都好想知，接貨嘅又會係邊個呢？
email:piano@mingpao.com
留言 (0)
