王冠一轉台亞視 再教人睇宏觀經濟

【明報專訊】財經界啲人事變動日日新鮮，今日輪到喺金融海嘯時一「淡」成名嘅財經電視節目主持人王Sir（王冠一）。由來只有新人笑，新老闆亞洲電視今日專登搞咗個簽約儀式，高調恭賀王Sir新工大吉，王Sir亦不改本色，趁機教人多睇啲宏觀經濟，唔好淨係掛住炒股。


盛品儒自稱粉絲

王Sir當初肯登「Now」台，全靠當年掌舵人燦哥（羅燦）慧眼識英雄。轉至今日，亞視執行董事盛品儒以粉絲自稱，面子牌都可謂夠分量。其實小琴覺得，王Sir都算長情，陪住「Now」嘅《環球金融快線》6年，不過亞視講明齋缺一個「星級」財經節目製作人就齊晒，仲向住「香港良心」嘅目標邁進呢。君子有成人之美，何况轉工常理使然，王Sir嘅荷包應該會有大無細啦！