新聞類別
財經
詳情#
【明報專訊】想股價反彈，其實唔使搞好多嘢嘅，打張「領導牌」就得喇。話說大成生化（0809）同大成糖業（3889），上個禮拜出完業績，畀傳媒踢爆發盈喜同純利勁升嘅背後，短債亦都好似坐火箭咁急升。無論係手頭現金定係市值，都唔多夠冚筆數，搞到咁，股價仲唔即時插水咩。
咁啱得咁蹺，中央政治局常委賀國強，上個禮拜六就去吉林考察，仲去埋大成當地個廠房參觀。領導人到訪喎，管理層梗係隆重其事啦。噚日小琴仲收到公關份新聞稿，圖文並茂咁介紹，真係服晒管理層咁識把握機會，大打中央領導牌。當然小琴就覺得賀國強，都係順便參觀下啫，表面睇都唔見得有咩好特別嘅原因，要去撐一間民企。
大成糖業股價升6.5% 生化升3.2%
姑勿論係順手定係有心，總之市場有理無理先炒為敬。噚日兩隻股份有捧場客跟風，股價即時彈升，大成糖業急升6.5%，而大成生化都升咗3.2%，都咪話唔嘢小。小琴終於都明白，學阿爺話齋「爹親娘親，不及領導人親」，呢句嘢無論喺咩年代，都真係好啱使。
大成晚黑仲出埋通告澄清，話公司個夠晒錢去搞掂啲短債，暫時無諗過要「抽水」咁話。小琴好似見到大成喺領導人加持之下，好似鳳凰浴火重生咁，講嘢都零舍大聲啲。照今次嘅情况咁睇，如果下次又有啲民企條數唔多掂，又或者畀人踢爆做假諸如此類咁，使咩組「芬佬」或記者團，搵個大大粒嘅領導人去行個圈，就咩都返晒嚟啦。
email:piano@mingpao.com
咁啱得咁蹺，中央政治局常委賀國強，上個禮拜六就去吉林考察，仲去埋大成當地個廠房參觀。領導人到訪喎，管理層梗係隆重其事啦。噚日小琴仲收到公關份新聞稿，圖文並茂咁介紹，真係服晒管理層咁識把握機會，大打中央領導牌。當然小琴就覺得賀國強，都係順便參觀下啫，表面睇都唔見得有咩好特別嘅原因，要去撐一間民企。
大成糖業股價升6.5% 生化升3.2%
姑勿論係順手定係有心，總之市場有理無理先炒為敬。噚日兩隻股份有捧場客跟風，股價即時彈升，大成糖業急升6.5%，而大成生化都升咗3.2%，都咪話唔嘢小。小琴終於都明白，學阿爺話齋「爹親娘親，不及領導人親」，呢句嘢無論喺咩年代，都真係好啱使。
大成晚黑仲出埋通告澄清，話公司個夠晒錢去搞掂啲短債，暫時無諗過要「抽水」咁話。小琴好似見到大成喺領導人加持之下，好似鳳凰浴火重生咁，講嘢都零舍大聲啲。照今次嘅情况咁睇，如果下次又有啲民企條數唔多掂，又或者畀人踢爆做假諸如此類咁，使咩組「芬佬」或記者團，搵個大大粒嘅領導人去行個圈，就咩都返晒嚟啦。
email:piano@mingpao.com
留言 (0)
