新聞類別
財經
詳情#
【明報專訊】小強（即曱甴或蟑螂）呢種地球上最強嘅生物，真係無處不在，後巷有機會見到，嚮廚房有機會見到，就連巴士都有機會見到，當然大家最唔想嚮面前份食物度見到啦。之不過，早排有市民就同小琴投訴，話估唔到會嚮萬呎高空都可以同小強打招呼。
呢名市民話，1月26日佢坐國泰（0293）商務客位從大阪到香港，點知飛行期間，竟然見到有小強出現嚮佢個位附近，當真嚇一跳。佢仲話發現小強之後立即向服務員反映，但對方態度有問題，搞到自己既畀小強嚇親，又畀服務員激親。
航空安全固然重要，航空衛生亦唔講得笑，小琴將投訴轉介畀國泰知，佢哋回應話公司一向會定期為機艙消毒滅蟲，當日出現小強嘅飛機響1月11日都經過滅蟲，接到乘客投訴後，航班抵港後亦立即響客艙噴殺蟲劑。
航機抵港後即噴殺蟲劑
之但係斷估隻小強都唔會係飛機飛緊果陣潛入機艙，國泰公關就解釋有兩個可能會畀呢啲不速之客混入﹕一係機門打開時，小強從連接客運大樓及飛機嘅通道入咗嚟；另一個可能就係隻小強事先「藏身」係客人或空中服務員身上，或者手提行李入面，再坐飛機「偷渡」，仲話呢啲可能性係佢哋冇辦法完全杜絕嘅。
至於空中服務員處理事件同態度問題，國泰公關回覆已經同機艙服務部經理反映，會向有關職員檢討同訓導，公關仲同小琴講，已經聯絡嗰位乘客跟進事件。
email:piano@mingpao.com
呢名市民話，1月26日佢坐國泰（0293）商務客位從大阪到香港，點知飛行期間，竟然見到有小強出現嚮佢個位附近，當真嚇一跳。佢仲話發現小強之後立即向服務員反映，但對方態度有問題，搞到自己既畀小強嚇親，又畀服務員激親。
航空安全固然重要，航空衛生亦唔講得笑，小琴將投訴轉介畀國泰知，佢哋回應話公司一向會定期為機艙消毒滅蟲，當日出現小強嘅飛機響1月11日都經過滅蟲，接到乘客投訴後，航班抵港後亦立即響客艙噴殺蟲劑。
航機抵港後即噴殺蟲劑
之但係斷估隻小強都唔會係飛機飛緊果陣潛入機艙，國泰公關就解釋有兩個可能會畀呢啲不速之客混入﹕一係機門打開時，小強從連接客運大樓及飛機嘅通道入咗嚟；另一個可能就係隻小強事先「藏身」係客人或空中服務員身上，或者手提行李入面，再坐飛機「偷渡」，仲話呢啲可能性係佢哋冇辦法完全杜絕嘅。
至於空中服務員處理事件同態度問題，國泰公關回覆已經同機艙服務部經理反映，會向有關職員檢討同訓導，公關仲同小琴講，已經聯絡嗰位乘客跟進事件。
email:piano@mingpao.com
留言 (0)
