新聞類別
財經
詳情#
【明報專訊】中國人傳統係子承父業，但阿仔要畀錢先有得繼承就比較少見，上年年頭上市嘅膠袋兼膠手套生產商友川（1323）上星期五（16日）公布，太子爺覃漢昇搵埋公司副主席黃偉昇，夾份向老豆覃通衡收購佢手上61.5%股份，唔知折頭係咪老豆私人醒，收購價有成差唔多四成discount，至於大覃生同一班元老，收購完成後喺董事局就無得留低，唔知中間有無內情呢？
聯同副主席黃偉昇一同入股
友川股價尋日跌咗7%。細覃生今次同黃生係透過一間各佔五成嘅公司，用每股0.524元向大覃生收購公司61.5%股份，另外三名投資者就用同一個價錢買埋大覃生手上剩番嗰10%股份，個價唔單止比停牌前股價低38.35%，如果同一年前上市招股價1.95元比較，更加係劈價超過七成，個價睇落好筍噃。
曾靠友川大股東押股借錢
睇番年報，大覃生今年已經74歲，細覃生阿媽李秀清就62歲，兩個人都夠晒年齡退休，話係交棒畀細覃生都講得通，但小琴印象中就好少見阿仔要用真金白銀向老豆買公司喎。
至於今次同細覃生一齊收購嘅黃生，佢同覃家關係就似乎就唔錯。呢位黃生上年10月先被委任做公司副主席兼執董，但9月尾覃通衡就抵押咗公司41.5%，幫黃生向太陽國際（8029）借咗1.5億貸款，如果唔係有番咁上下認識，睇怕都唔會大嗱嗱自己手上過半股份擔保佢借錢啩。
email:piano@mingpao.com
聯同副主席黃偉昇一同入股
友川股價尋日跌咗7%。細覃生今次同黃生係透過一間各佔五成嘅公司，用每股0.524元向大覃生收購公司61.5%股份，另外三名投資者就用同一個價錢買埋大覃生手上剩番嗰10%股份，個價唔單止比停牌前股價低38.35%，如果同一年前上市招股價1.95元比較，更加係劈價超過七成，個價睇落好筍噃。
曾靠友川大股東押股借錢
睇番年報，大覃生今年已經74歲，細覃生阿媽李秀清就62歲，兩個人都夠晒年齡退休，話係交棒畀細覃生都講得通，但小琴印象中就好少見阿仔要用真金白銀向老豆買公司喎。
至於今次同細覃生一齊收購嘅黃生，佢同覃家關係就似乎就唔錯。呢位黃生上年10月先被委任做公司副主席兼執董，但9月尾覃通衡就抵押咗公司41.5%，幫黃生向太陽國際（8029）借咗1.5億貸款，如果唔係有番咁上下認識，睇怕都唔會大嗱嗱自己手上過半股份擔保佢借錢啩。
email:piano@mingpao.com
留言 (0)
