新聞類別
財經
詳情#
【明報專訊】噚日傳出一條令小琴頗為吃驚嘅消息，原來中國最大嘅在線視頻公司優酷網（Youku）準備以換股方式收購佢喺內地最大嘅競爭對手土豆網（Tudou），兩間公司計劃喺第三季正式合體做「優酷土豆股份有限公司」，到時土豆嘅美國存託憑證（ADS）將會下市，新公司將繼續以YOKU為代碼喺紐約證券交易所交易，由優酷同土豆分別持有71.5%同28.5%股份。消息一出，土豆ADS截至噚晚已經升咗超過一倍，睇嚟唔係得小琴一個覺得出乎意料。
消息一出 土豆ADS飈一倍
小琴查過資料，原來優酷喺內地嘅市場佔有率有21.8%，而土豆就佔13.7%。咁即係話，合併之後嘅新市場分額可能會去到全國三分一。有人覺得，今次合併可能會帶動整個中國網上視頻行業嘅「正版化進程」，因為兩間公司唔使畀兩次版權費用，同時可以提高同正版片商嘅議價能力；不過又有人覺得，壟斷增加，對行業整體發展不利；仲有外國分析員話，今次單deal雖然整體都叫正面，但係覺得優酷出價太高……。
眾說紛紜，小琴就覺得未來發生咩事好難講，反而更加好奇兩個曾經最大嘅競爭者點樣可以結束內戰、喜結良緣。唔知兩邊管理層私底下傾過啲乜呢？
email:piano@mingpao.com
消息一出 土豆ADS飈一倍
小琴查過資料，原來優酷喺內地嘅市場佔有率有21.8%，而土豆就佔13.7%。咁即係話，合併之後嘅新市場分額可能會去到全國三分一。有人覺得，今次合併可能會帶動整個中國網上視頻行業嘅「正版化進程」，因為兩間公司唔使畀兩次版權費用，同時可以提高同正版片商嘅議價能力；不過又有人覺得，壟斷增加，對行業整體發展不利；仲有外國分析員話，今次單deal雖然整體都叫正面，但係覺得優酷出價太高……。
眾說紛紜，小琴就覺得未來發生咩事好難講，反而更加好奇兩個曾經最大嘅競爭者點樣可以結束內戰、喜結良緣。唔知兩邊管理層私底下傾過啲乜呢？
email:piano@mingpao.com
留言 (0)
