新聞類別
財經
詳情#
【明報專訊】上個周末，美國最後一班CO代號嘅飛機起飛，標誌大陸航空（Continental Airlines）正式謝幕，歸入美國聯合航空旗下。整裝待發嘅聯合航空，正計劃對體系內機隊進行重新編排，並豪擲5.5億美元翻新機艙內部裝飾，引入採用衛星技術嘅機上WiFi。
用Ku波段衛星技術 增頻寬量
其實機上WiFi已經唔算得係新嘢，譬如講國泰（0293）就會喺今年5至6月推出首架試用WiFi嘅飛機。不過，聯合航空大中華區及韓國董事總經理戴亞斯就話，聯航今次嘅機上WiFi由於頻寬闊，乘客唔單止可以發吓電郵，仲可以睇埋影片，唔同於其他航空公司嗰條線，凈係頂得住電郵流量。
聯航WiFi之所以咁勁，都係因為公司首次引入嘅Ku波段衛星技術，令頻寬流量大大超過競爭對手採用嘅地對空技術。所以，到時聯航乘客就可以用iPhone、iPad或者三星手機上網睇片解悶。呢個機上Wifi最快今年7月面世，啱啱趕上暑期旺季，到2015年WiFi服務就會覆蓋聯航旗下所有航線。
併大陸航空 啟「乒乓式」行程
聯航一方面積極內修，另一方面就凍結咗今年全線運力。佢哋大中華區董事總經理戴亞斯話，公司對今年內地、香港嘅需求都幾審慎，因為舊年增加嘅運力仲需要近一年時間消化。不過，因為大陸航空嘅併入，強化咗聯航原本喺西海岸嘅實力，令公司應付到中國旅客嘅特別需求，即係「乒乓式」行程計劃（10日內遊遍東西岸8個城市），所以中長期來睇都幾樂觀。
email:piano@mingpao.com
用Ku波段衛星技術 增頻寬量
其實機上WiFi已經唔算得係新嘢，譬如講國泰（0293）就會喺今年5至6月推出首架試用WiFi嘅飛機。不過，聯合航空大中華區及韓國董事總經理戴亞斯就話，聯航今次嘅機上WiFi由於頻寬闊，乘客唔單止可以發吓電郵，仲可以睇埋影片，唔同於其他航空公司嗰條線，凈係頂得住電郵流量。
聯航WiFi之所以咁勁，都係因為公司首次引入嘅Ku波段衛星技術，令頻寬流量大大超過競爭對手採用嘅地對空技術。所以，到時聯航乘客就可以用iPhone、iPad或者三星手機上網睇片解悶。呢個機上Wifi最快今年7月面世，啱啱趕上暑期旺季，到2015年WiFi服務就會覆蓋聯航旗下所有航線。
併大陸航空 啟「乒乓式」行程
聯航一方面積極內修，另一方面就凍結咗今年全線運力。佢哋大中華區董事總經理戴亞斯話，公司對今年內地、香港嘅需求都幾審慎，因為舊年增加嘅運力仲需要近一年時間消化。不過，因為大陸航空嘅併入，強化咗聯航原本喺西海岸嘅實力，令公司應付到中國旅客嘅特別需求，即係「乒乓式」行程計劃（10日內遊遍東西岸8個城市），所以中長期來睇都幾樂觀。
email:piano@mingpao.com
留言 (0)
