財經網站民調：過半數人撐CY

【明報專訊】特首選舉不愧係一個全城熱議嘅話題，連民調都零舍頻密同埋多花款。小琴上網見到，有個叫Finance Asia嘅財經網站，都湊熱鬧搞咗個網上調查，叫大家講吓想邊個做特首，結果CY就以52%嘅過半優勢「勝出」，同最新港大民調個51%嘅結果幾乎完全脗合，32%嘅人就支持唐唐，呢個支持率明顯高過港大民調（18%），唔通財經界人士嘅立場會同廣大民眾唔同啲？


唐唐支持度比港大民調增

特首選舉進入倒數計時，日日都有好多新聞update，星期六日都唔會「休市」，小琴睇新聞都睇到幾眼花。話說家陣得三個候選人，小琴已經感覺睇選情就嚟複雜過睇股市行情。小琴心諗，如果支持率升跌都有得「買賣」，家陣形勢咁反覆，投資者睇怕都會幾忙碌。