新聞類別
財經
詳情#
【明報專訊】情人節將至，電視報紙雜誌鋪天蓋地都係教人點慶祝呢啲例牌菜，估唔到香港會計師公會嘅月刊A Plus都湊熱鬧，2月號訪問咗幾對會計師情侶，了解佢哋點樣喺超長工時下，仲有時間拍拖，搵到生命中嘅另一半，仲開花結果。
工時長 找同行做伴侶
相信大家身邊總有幾個喺四大會計師行工作嘅朋友，有時佢哋嘅工作時間真係長到堪稱「唔人道」，晚晚做到凌晨兩、三點，但第二朝一樣要九點坐喺office。唔止咁樣，好多幫上市公司核數嘅會計師，仲會被派駐去其他地方，少則一頭半個月，長則一年半載，當中唔少仲要係派咗去啲山旮旯地方做audit，對於要拍拖抑或維繫一個家庭嘅人士，都真係幾大挑戰。
A Plus訪問咗幾pair會計師情侶，其中一pair就話因為工時實在太長，搵返會計師會比較適當，因為雙方都會明白對方嘅境况。另外一pair年過50嘅夫妻，男的就憶述當年喺羅兵咸工作，為咗家庭拒絕超長工時，「事業當然受影響，但家庭永遠擺喺第一位」，最終自己出嚟開會計師樓。Well，睇完以上故仔，似乎會計師要喺事業同家庭生活搵平衡點有相當難度，各位大忙人自求多福啦。
email:piano@mingpao.com
工時長 找同行做伴侶
相信大家身邊總有幾個喺四大會計師行工作嘅朋友，有時佢哋嘅工作時間真係長到堪稱「唔人道」，晚晚做到凌晨兩、三點，但第二朝一樣要九點坐喺office。唔止咁樣，好多幫上市公司核數嘅會計師，仲會被派駐去其他地方，少則一頭半個月，長則一年半載，當中唔少仲要係派咗去啲山旮旯地方做audit，對於要拍拖抑或維繫一個家庭嘅人士，都真係幾大挑戰。
A Plus訪問咗幾pair會計師情侶，其中一pair就話因為工時實在太長，搵返會計師會比較適當，因為雙方都會明白對方嘅境况。另外一pair年過50嘅夫妻，男的就憶述當年喺羅兵咸工作，為咗家庭拒絕超長工時，「事業當然受影響，但家庭永遠擺喺第一位」，最終自己出嚟開會計師樓。Well，睇完以上故仔，似乎會計師要喺事業同家庭生活搵平衡點有相當難度，各位大忙人自求多福啦。
email:piano@mingpao.com
留言 (0)
