蘋果季績佳 富士康炒起

【明報專訊】蘋果魅力真係沒法擋。啱啱公布嘅去年10月至12月季度業績超預期咁亮麗，營業收入同淨利潤都創出公司歷史最高紀錄。而響蘋果效應下，好季績仲帶挈埋一向係佢哋產品最大代工廠鴻海嘅子公司富士康（2038），噚日龍年開市就升咗4.5%，收市5.3元，係去年11月23日以嚟最高價位。


而且今次都算係富士康踏入2012年之後傳出最好嘅消息。事關呢個月初，富士康響武漢嘅廠房就有150個工人因為勞資糾紛而威脅要集體跳樓，勾起大家對前年富士康員工連環跳樓自殺嘅回憶。話口未完，鴻海集團董事長、富士康總裁郭台銘春節前無喇喇話富士康100萬員工係動物，搞到富士康要出聲明道歉收場。所以話，郭台銘今次真係應該好好多謝蘋果囉。