老股民懇求郭樹清救A股

【明報專訊】大家都知，內地投資工具唔多，要對抗通脹，保退休，有時真係要「焗炒」A股。最近一名喺股壇打滾咗近20年嘅老股民，就寫咗封公開信畀中證監主席郭樹清，叫佢幫吓班股民手。


「炒股找死 不炒是等死」

「雖然炒股是找死，但在物價飛漲，房價高起的今天，不炒股票是等死。」封信嘅內容大致係話，老股民單靠退休金係活得「沒有尊嚴和幸福」，所以明知A股死路一條，都要燈蛾撲火。噚日睇完之後，小琴完完全全感受到，呢位59歲、下咗崗15年嘅老股民，嗰種「哀莫大於心死」，欲哭無淚嘅淒涼。


喺股海中浮沉多年，連家鄉喺邊都未知，但政府就遲遲未肯真正出手，搞搞個市，隻艇都唔知要坐到幾時。佢仲話人哋美國經濟差，個市都有得升，無理由中國經濟好，A股都咁衰㗎。一封信正正代表着，呢一代千千萬萬個股民嘅心酸，阿爺真係要認真搞搞佢喇。