內地限購令 帶挈離婚律師生意

【明報專訊】2011年中國各地相繼推出限制購買住房嘅指令，令內地樓市陷入冰封，成交急跌，但中國嘅同胞不嬲最叻腦筋急轉彎。中原集團創辦人施永青話，家喺內地見得最多嘅係搞離婚的律師，唔通因為夫婦買唔到樓，離婚收場？


非也非也，大家咪睇小同胞嘅購買力，佢哋亦都唔係好似香港好多苦命鴛鴦咁買唔到樓，而係因為佢哋要買多棟樓！由於內地一啲城市只規定一戶人家只可以買一個住房，同胞們唯有離婚，再以自己名義買住房，專辦離婚嘅律師，竟然成為限購令下的「衍生產品」！

施永青又話，限購令一出，內地好多地方嘅樓價都已調整得好厲害，佢覺得內地一線城市嘅需求已經透支，建議如果投資者仲想喺內地買樓，最好考慮二、三線城市。