新聞類別
港聞
詳情#
【明報專訊】樂富邨宏樂樓發生警員連開6槍事件，有自稱大廈住客網民，於警方在現場召開記者會前約1小時，已在網上「高登討論區」講述事發過程，又說自小與疑人相識，懷疑有人事前曾經吸食毒品致失常襲警，並質疑警方使用過度武力。
警方黃大仙助理指揮官陳國基昨中午12時許交代事件，但自稱居於現場同層單位、為疑人朋友的網民「薯」，早於10時26分開始，多次在討論區留言講述事件經過及警方調查對談。
事前或濫藥 鎅刀自割
「我住佢隔籬，同佢由細玩到大，唔覺佢有精神問題，最多燥（躁）狂，佢maybe hi咗嘢（可能已濫藥），佢成晚訓唔着，拎鎅刀自割，鎅刀喺門口唔夠5米地下。」
「薯」又稱︰「之後佢嫲嫲報警，中段唔知，之後拎菜刀走向差人，應該無斬中差佬，差佬放低棍，拔槍，叫咗佢好多次放低刀，同埋話會開槍。之後佢仲行近，開咗2槍，中咗最少一槍都繼續行去差佬度，差佬再開2至4槍，就倒地。」「薯」提及的基本資料與案情相符，並質疑「嘩！使唔使最少開3飛（3發子彈）呀？」
「使唔使最少開3飛呀」
「薯」在網上寫道，聽到案發時「佢（警員）有call支援，call完唔夠20秒，佢就衝。」「薯」並擔心疑人「食子彈食到應，希望佢無事，佢好慘，細細個呀媽唔係香港，一年可能見得1次嫲嫲，老豆同佢住，佢老豆又唔理佢，應該離咗婚。」
現場消息稱，案發單位是疑人伯父住所，疑人自小在上址居住長大，父母離異。疑人曾與祖母同住，亦曾跟隨父親到酒樓工作，其後離開住所一段時間，至昨晨罕有地返家。
留言 (0)
