中國人愛獨自逛名店

【明報專訊】亞太市場尤其係中國市場，近年嘅消費力係咁增長，唔少國際品牌都對呢個大餅趨之若鶩，好想喺呢個市場分一杯羹。噚日美國總商會就請咗市場調查公司葛瑞集團，講吓亞洲人特別係中國人嘅消費習慣，等品牌可以針對性咁做宣傳同推廣。

三分之二消費者 購物前冇計劃

葛瑞集團地區規劃總監Charu Harish話，三分之二嘅消費者入到店舖之後，先決定到買啲咩，當中包括不同牌子或不同類別嘅產品，佢哋事先唔會有計劃或者購物清單，對於價值較高的優質產品，更加係九成以上嘅消費者喺店內做購買決定。另外，中國及印度人，特別係女性，更加傾向自己一個人購物，原因是與丈夫或孩子購物，會令到佢哋分心。

由於多數亞洲消費者都唔會購物諗定買啲乜，Charu Harish就建議商戶，喺宣傳品牌時加強消費者印象，同埋喺品質同包裝上做多些工夫。