謝瑞麟重出江湖 親到門市同家嫂開會

【明報專訊】小琴曾經同謝瑞麟主席邱安儀（圖左）做過訪問，當時佢老爺出獄後隨即控告兒子，謝太成為咗夾心人，左右做人難。小琴都關心謝太會否唔開心，謝太當時輕描淡寫指已進入法律程序，唔想多談，但重申如果要出任公司重要職位，都係要取得到主要股東贊成。相信今次謝氏父子「復出」，已經得到股東支持。

謝瑞麟同兒子謝達峰今次「復出」，因為公司法兩父子唔可以做公司董事。所以家嫂畀了個好勁的頭銜老爺，就係「創辦人」。

老爺公司新頭銜：創辦人

現年75歲的謝瑞麟（圖右）活力仍然十足，唔係只掛名喺公司，噚日佢首日開工，家嫂當然要舉行一個小型歡迎會，介紹吓新同事畀老爺認識，始終離開咗公司一段時間，好多高層已都換咗。謝瑞麟在會議上也講下對公司期望，相信以他在行內經驗，可以畀到唔少寶貴意見家嫂。