聯通高層訪蘋果總部

【明報專訊】早兩日有個行家問小琴到底好唔好出番部iPhone 4，小琴當然話……唔好啦！呢排iPhone 5嘅風吹得咁行，人人都話年底前見貨，咁當然等多幾個月啦。

先兩次派團都有成果

好似尋日，小琴又聽到關於iPhone 5就出街嘅消息，話說聯通（0762）副總經理李剛帶住5名營銷部門負責人上星期去咗美國聖荷西市嘅蘋果總部，最近返北京。大家都估計今次佢地就係為引入iPhone 5而去談判；原來聯通過去兩次派高層團去蘋果總部，兩次都有成果，第一次就帶咗部iPhone 3GS返嚟，第二次就係iPhone 4，所以從以往引入新款iPhone就去一次蘋果的慣例嚟睇，今次引入iPhone 5成數好大。

由於市傳iPhone 5會響10月美國開售，按照一貫美國優先慣例，估計iPhone 5正式進入中國市場應該響年底旺季，最遲都會出年春節前上市。