新聞類別
財經
詳情#
【明報專訊】內地電影市場龐大，但係當局規定每年只可以進口20套外國片，呢個政策曾經令大部分歐美電影被拒之門外。不過，所謂「有志者事竟成」，一班覬覦內地市場好耐嘅荷里活電影公司，近年逐漸透過與內地公司合作拍片，繞過上述政策門檻。
《虎膽龍威》主角布斯韋利士（Bruce Willis）下年上畫嘅科幻片「Looper（中文譯名《環形使者》）」，即係以中美合資形式製作，呢套戲引入北京嘅DMG Entertainment成為合作伙伴，但條件之一係取景地須包括上海，演員陣中亦包括咗內地演員許晴。
除咗布斯韋利士呢套片，哥倫比亞電影公司（columbia tristar）、迪士尼以及環球電影等荷里活電影公司近年對內地市場趨之若鶩，主要係呢個市場正在以每年1400個新戲院嘅速度增長，而且有估計到2015年內地擁有戲院數目會較2010年底嘅6200個倍增。而且即使5年後戲院增長到12,000幾個，仍然少過美國嘅三分一。戲院數目咁增長法，票房收入更加唔使講啦！
留言 (0)
