新聞類別
財經
詳情#
【明報專訊】正當大家都熱烈討論由facebook轉會去Google+之際，但有冇發覺騰訊（0700）同新浪亦都展開一場微博爭霸戰呢？騰訊噚日宣布同TVB（電視廣播，0511）合作，推出TVB專屬微博平台，以TVB藝人攻勢打開華南港澳同胞嘅市場。各位TVB劇迷上tvb.com睇劇之餘，只要利用騰訊微博帳戶登入（http://t.tvb.com），就可順便去微博同藝員全接觸，唔知會唔會吸引到大家，心郁郁由新浪微博轉會到騰訊微博呢？
內地曾經有說法話，誰人能爭贏微博，就係未來嘅網絡大贏家，這可能解釋了騰訊（0700）同新浪點解咁落力做微博。論人數，騰訊微博今年5月底已有2億用戶，舊年「QQ之父」馬化騰仲揚言，騰訊是擁有最多用戶嘅微博，不過，由於新浪微博受中港明星愛載，甚至係內地經濟學家、商界猛人都利用新浪微博一抒己見，所以吸引到唔少粉絲於微博傳情，唔知呢場微博之戰，新浪又會如何還擊呢？
留言 (0)
