中銀人壽新廣告賣溫情

【明報專訊】小琴平日放工後的娛樂最鍾意「撈下電視汁」，看電視劇的附屬品當然係廣告，好廣告在幾十秒時間就可以令人有很深刻印象。中銀人壽之前主題《父女篇》獲得廣告大獎，該廣告十分感動，主要係描述父女情，父親十分愛女兒張文樂，在她未出世時已為女兒考慮保障安排。該廣告的「橋」原來出自中銀人壽執行總裁蔡中虎，蔡總條橋來自佢與女兒的真實關係。

蔡中虎家有愛女，在女兒小時候已為其安排保障，廣告中還提到女兒讀書好好，現實中蔡中虎女兒，讀書也好叻，手持三個學位，成績優異，蔡中虎同小琴談起女兒，也十分自豪。

男女平等 今次講母子情

中銀人壽將有新一輯廣告，蔡中虎昨日就請小琴先睹為快，廣告主題係父母自己有足夠保障，不用增加下一代負擔，今輯廣告構思亦是來自蔡中虎。他女兒可以讀完一個又一個學位，因蔡中虎財力雄厚，起碼不用要女兒畀家用，女兒先至可以繼續尋找自己興趣。

不過今次廣告講母子情，蔡中虎笑言上集父女情，今集是講母子情，男女平等喎！

蔡中虎還透露，上一集廣告剛加入中銀人壽，公司未有廣告預算，唯有減省派發紀念品，節省下來可以夠付廣告費。

報料電郵﹕piano@mingpao.com