變形金剛 打到奧海城

【明報專訊】今年暑假《變形金剛》系列要推出第三集，勢必掀起全城熱潮，信和集團（0083）旗下奧海城商場睇準機會，擺放經典主角柯柏文同埋全新博派領軍戰士御天敵嘅15呎超巨模型，並展出逾百件玩具同模型，務必吸引大批《變》迷嚟「朝聖」。

信和商場推廣總經理蘇蔡潔蓮話，佈置耗資280萬，按年升咗15%，加埋奧海城3期店舖（家出租率超過9成）陸續開業，估計6月至7月期間，帶動商場人流量達1586萬人次，營業額去到3.36億，均較舊年同期增長17%。

喺父親節同暑假期間，佢地仲會搞6團內地購物團，大約300人來自廣州等地，估計每個家庭消費額8000至1萬蚊。蘇太話，對下半年零售市道好有信心，估計每方呎營業額有500至1200蚊，所以商場租金都有雙位數字升幅，每方呎租金50至300蚊喎。