新聞類別
財經
詳情#
【明報專訊】被視為中國版《巴塞爾資本協議三》早前正式出台，部分面對較大融資壓力既中小型內銀已密密地為集資展開部署，當中包括招商銀行（3968）。
一眾出席該行噚日股東大會既小股東，除咗對招行行長馬蔚華既管治能力讚許有加之外，亦乘機追問招行具體集資計劃及時間表，但該行管理層就未有披露詳情，只係話目前尚在研究當中。
根據招行噚日提交股東大會既議案，佢哋計劃增發唔超過20%A、H股新股，以及未來3年喺境外發行最多300億元人債，以補充資本金。
有與會既小股東會後同小琴講，招行管理層認為內地新資本要求對該行有一定影響，而佢哋計劃配發新股方式包括可換股債券及次級債等，希望將對股權薄效應降至最低。唔知係咪因為招行舊年先供股集資約220億元人民幣，有部分小股東對於招行再配發新股似乎唔多接受，14.58%仲投咗反對票添。
「調虎離山」 馬行長避傳媒
小琴同部分行家噚日亦特登走訪喺深圳股東大會會場，希望馬行長可以就再融資大計進一步解畫，不過，佢哋嘅工作人員就使出「調虎離山計」，令馬行長成功避過在場傳媒追訪。
其實小琴真係唔多明，招行舊年同今年首季業績表現均十分好，絕對唔比國有大銀行遜色，但係喺對外信息交流方面，點解就唔可以展現大將之風？
留言 (0)
