「手袋站」鬥滿街

【明報專訊】賣二手手袋嘅米蘭站計劃上市，小琴發現除咗米蘭站外，市面上仲有法國站、巴黎站、名店站，同樣都係賣二手手袋。法國站同米蘭站係姊妹店，屬於同一集團，所以商標都用個出入口指示牌。而巴黎站就係另一家公司，單係銅鑼灣羅素街，就有齊米蘭、法國同巴黎三個「站」。

米蘭與法國站實屬同系

睇嚟二手名牌手袋市場真係好有潛質，而且用個「站」字改名，似乎都幾旺呢門生意。有興趣入行者，可以考慮用番個「站」字起名，仲可以考慮喺前加入歐洲城市名，例如﹕佛羅倫斯、里昂、羅馬、倫敦、意大利、瑞士、德國等。根據公司註冊處資料顯示，除咗米蘭站同法國站外，其他城市都未出現「XX站」嘅註冊名稱，不妨考慮吓早啲註冊，免得被人搶名。