新聞類別
娛樂
詳情#
【蘋果日報】
【澳門直擊】第25屆華鼎獎噚晚喺澳門舉行，郭富城、周家怡、溫碧霞、前名何傲兒嘅何天兒、孫耀威、梁競徽、鮑起靜、傅穎同麥家琪等現身紅地毯。合演電影《無雙》嘅郭富城、周家怡同導演莊文強一齊現身，但周家怡條裙嘅裙尾意外攝入扶手電梯隙罅，要同扶手電梯角力扯出裙尾，非常狼狽。
贏女配角獎
差啲出意外，周家怡心情明顯受影響，嚇到面青口唇白，佢直認當時情況狼狽：「又驚影響之後搭電梯到場嘅嘉賓。」問到城城係咪早有攞獎心理準備？佢話：「平常心到場，自己作為演員，有份參與，一定會出席支持頒獎禮，我對《無雙》當然有信心。」最終周家怡憑《無雙》獲得首個「最佳女配角獎」，問佢鏟青頭髮犧牲係咪有價值，佢話：「其實唔算係犧牲，對個角色有幫助就可以。」
溫碧霞身穿低胸紗裙性感真空上陣，提到周家怡條裙攝入扶手電梯，溫碧霞話：「我會小心，通常會搵人幫手拖住條裙尾，避免有危險。」負責頒最佳男配角獎嘅佢話每次擔任頒獎嘉賓，都會諗番起自己第一次提名時嘅心情，「作為演員希望得獎同有人認同，出席得多頒獎禮，都希望自己拎獎。」佢又透露下月會推出寫真集，會有文字同寫真兩個版本，作為送畀自己留念嘅一份禮物。
何天兒瘦咗
何天兒身穿露背高衩裙現身紅地毯，佢話唔係真空上陣，所以唔怕走光，「鍾意呢條裙嘅設計，我最近瘦咗，跟營養師餐單keep fit。」佢仲自爆最近試連皮食南瓜，何天兒話：「連皮食對脾胃好，用呢個方法可以排多啲毒素。」
撰文：馮仁昭
【澳門直擊】第25屆華鼎獎噚晚喺澳門舉行，郭富城、周家怡、溫碧霞、前名何傲兒嘅何天兒、孫耀威、梁競徽、鮑起靜、傅穎同麥家琪等現身紅地毯。合演電影《無雙》嘅郭富城、周家怡同導演莊文強一齊現身，但周家怡條裙嘅裙尾意外攝入扶手電梯隙罅，要同扶手電梯角力扯出裙尾，非常狼狽。
贏女配角獎
差啲出意外，周家怡心情明顯受影響，嚇到面青口唇白，佢直認當時情況狼狽：「又驚影響之後搭電梯到場嘅嘉賓。」問到城城係咪早有攞獎心理準備？佢話：「平常心到場，自己作為演員，有份參與，一定會出席支持頒獎禮，我對《無雙》當然有信心。」最終周家怡憑《無雙》獲得首個「最佳女配角獎」，問佢鏟青頭髮犧牲係咪有價值，佢話：「其實唔算係犧牲，對個角色有幫助就可以。」
溫碧霞身穿低胸紗裙性感真空上陣，提到周家怡條裙攝入扶手電梯，溫碧霞話：「我會小心，通常會搵人幫手拖住條裙尾，避免有危險。」負責頒最佳男配角獎嘅佢話每次擔任頒獎嘉賓，都會諗番起自己第一次提名時嘅心情，「作為演員希望得獎同有人認同，出席得多頒獎禮，都希望自己拎獎。」佢又透露下月會推出寫真集，會有文字同寫真兩個版本，作為送畀自己留念嘅一份禮物。
何天兒瘦咗
何天兒身穿露背高衩裙現身紅地毯，佢話唔係真空上陣，所以唔怕走光，「鍾意呢條裙嘅設計，我最近瘦咗，跟營養師餐單keep fit。」佢仲自爆最近試連皮食南瓜，何天兒話：「連皮食對脾胃好，用呢個方法可以排多啲毒素。」
撰文：馮仁昭
回應 (0)
