「補水」大學生：自己前途自己爭取

【蘋果日報】在添馬公園的草地上，聚着不少青年人，他們是遠離前線的一群，卻擔當着同樣重要的角色。小添、阿蕃、阿Bee跟幾個朋友相約，拿着幾個大水樽，昨天早上8時到達金鐘，然後到公眾飲水機把水樽裝滿，準備做一個流動水站。


幾個女孩坐在路旁，有人經過便問他們是否需要水，她們帶着一個電動抽水器，為在場人士添水，說這樣夠環保，而且可以流動，隨時能轉到其他地方為抗爭者們補水。


相關新聞：示威者血與汗拉倒首日審議

「如果連居住地方嘅前途都睇唔到，就更加睇唔到自己嘅前途。」


他們都是00後，才剛升上大學，樣子看起來跟中學生無異，束着馬尾，戴上黑框眼鏡，身上的所有裝備，就只是一把傘。


阿蕃讀人文學科，而小添則是純理科，看世界的方法不盡相同，但對於社會發生的事，卻看法一致，「我們未必做最前線，唔會去衝，但又唔想只係坐，咁樣立法會入面班人係唔會理我哋嘅」。為人們補水沒有困難，最擔心反而是把水樽運來金鐘，「尋晚見警察喺地鐵站內見人揹大背包就查，我哋好驚佢會搜我哋，不過好彩無」。


坐在一旁的阿Bee，戴上口罩和太陽帽，亦很怕上鏡，從她眼中，感到一份恐懼，「我好驚，但係又好想幫手，感覺香港嘅核心價值、自由已經漸漸失去，應該做返啲嘢」。她以微弱的聲線，說着家人其實反對她出來，「媽媽好反對，雖然我都好驚，但係我唔怕犧牲！只係怕無謂嘅犧牲。我好感激香港有一班咁愛呢個地方嘅人，前線嘅人好有勇氣，所以我哋要支援佢哋」。


2014年雨傘運動時，她們都只是中學生，小添回憶起五年前，從媒體報道中看見衝擊，感覺自己相當無力，「好多人都受傷，但我就只係得個睇字，好內疚！」

阿蕃亦同樣感到無力，「繼續遊行係唔會有乜改變，回歸20年喇，自己嘅前途，一定要由自己爭取，唔可以眼白白睇住香港死」。


幾位女生走出來，最擔心的莫過於是她們父母，不過，他們說自己已是成年人，有獨立思考的能力，「父母擔心我哋出嚟會影響前途，但我想講嘅係，如果連居住地方嘅前途都睇唔到，就更加睇唔到自己嘅前途」，阿蕃說。